To the Ephesians
The whole work on one page. Select a passage number to open that passage with its notes, Scripture references, and citation.
Inscription
0Lake, LCL 24:172
Ἰγνάτιος, ὁ καὶ Θεοφόρος, τῇ εὐλογημένῃ ἐν μεγέθει θεοῦ πατρὸς πληρώματι, τῇ προωρισμένῃ πρὸ αἰώνων εἶναι διὰ παντὸς εἰς δόξαν παράμονον ἄτρεπτον, ἡνωμένῃ καὶ ἐκλελεγμένῃ ἐν πάθει ἀληθινῷ, ἐν θελήματι τοῦ πατρὸς καὶ Ἰησοῦ Χριστοῦ τοῦ θεοῦ ἡμῶν, τῇ ἐκκλησίᾳ τῇ ἀξιομακαρίστῳ, τῇ οὔσῃ ἐν Ἐφέσῳ τῆς Ἀσίας, πλεῖστα ἐν Ἰησοῦ Χριστῷ καὶ ἐν ἀμώμῳ χαρᾷ χαίρειν.
Ignatios, ho kai Theophoros, tę̄ eulogēmenę̄ en megethei theou patros plērōmati, tę̄ proōrismenę̄ pro aiōnōn einai dia pantos eis doxan paramonon atrepton, hēnōmenę̄ kai eklelegmenę̄ en pathei alēthinǭ, en thelēmati tou patros kai Iēsou Christou tou theou hēmōn, tę̄ ekklēsią tę̄ axiomakaristǭ, tę̄ ousę̄ en Ephesǭ tēs Asias, pleista en Iēsou Christǭ kai en amōmǭ charą chairein.
Ignatius, who is also called Theophorus, to the church blessed with greatness by the fullness of God the Father, predestined before the ages to be always for enduring and unchangeable glory, united and chosen in true suffering by the will of the Father and of Jesus Christ our God; to the church worthy of blessing, which is in Ephesus in Asia: abundant greetings in Jesus Christ and in blameless joy.
Chapter 1
1.1Lake, LCL 24:172
Ἀποδεξάμενος ἐν θεῷ τὸ πολυαγάπητόν σου ὄνομα, ὃ κέκτησθε φύσει δικαίᾳ κατὰ πίστιν καὶ ἀγάπην ἐν Χριστῷ Ἰησοῦ, τῷ σωτῆρι ἡμῶν· μιμηταὶ ὄντες θεοῦ, ἀναζωπυρήσαντες ἐν αἵματι θεοῦ τὸ συγγενικὸν ἔργον τελείως ἀπηρτίσατε·
Apodexamenos en theǭ to polyagapēton sou onoma, ho kektēsthe physei dikaią kata pistin kai agapēn en Christǭ Iēsou, tǭ sōtēri hēmōn; mimētai ontes theou, anazōpyrēsantes en haimati theou to syngenikon ergon teleiōs apērtisate;
I welcomed in God your much-loved name, which you possess by a righteous nature, in accordance with faith and love in Christ Jesus our Savior. Being imitators of God, and rekindled by the blood of God, you have perfectly completed the work that is so natural to you.
1.2Lake, LCL 24:172–174
ἀκούσαντες γὰρ δεδεμένον ἀπὸ Συρίας ὑπὲρ τοῦ κοινοῦ ὀνόματος καὶ ἐλπίδος, ἐλπίζοντα τῇ προσευχῇ ὑμῶν ἐπιτυχεῖν ἐν Ῥώμῃ θηριομαχῆσαι, ἵνα διὰ τοῦ ἐπιτυχεῖν δυνηθῶ μαθητὴς εἶναι, ἰδεῖν ἐσπουδάσατε·
akousantes gar dedemenon apo Syrias hyper tou koinou onomatos kai elpidos, elpizonta tę̄ proseuchę̄ hymōn epitychein en Rhōmę̄ thēriomachēsai, hina dia tou epitychein dynēthō mathētēs einai, idein espoudasate;
For when you heard that I was on my way from Syria in chains for the sake of our common name and hope, hoping through your prayer to succeed in fighting wild beasts in Rome, so that by succeeding I might be able to be a disciple, you were eager to see me.
1.3Lake, LCL 24:174
ἐπεὶ οὖν τὴν πολυπλήθειαν ὑμῶν ἐν ὀνόματι θεοῦ ἀπείληφα ἐν Ὀνησίμῳ, τῷ ἐν ἀγάπῃ ἀδιηγήτῳ, ὑμῶν δὲ ἐπισκόπῳ, ὃν εὔχομαι κατὰ Ἰησοῦν Χριστὸν ὑμᾶς ἀγαπᾶν καὶ πάντας ὑμᾶς αὐτῷ ἐν ὁμοιότητι εἶναι. εὐλογητὸς γὰρ ὁ χαρισάμενος ὑμῖν ἀξίοις οὖσι τοιοῦτον ἐπίσκοπον κεκτῆσθαι.
epei oun tēn polyplētheian hymōn en onomati theou apeilēpha en Onēsimǭ, tǭ en agapę̄ adiēgētǭ, hymōn de episkopǭ, hon euchomai kata Iēsoun Christon hymas agapan kai pantas hymas autǭ en homoiotēti einai. eulogētos gar ho charisamenos hymin axiois ousi toiouton episkopon kektēsthai.
Since, then, I have received your whole congregation in God's name in Onesimus, a man of love beyond words and your bishop, I pray that you love him according to Jesus Christ and that all of you be like him. For blessed is he who granted you, being worthy, to have such a bishop.
Chapter 2
2.1Lake, LCL 24:174
Περὶ δὲ τοῦ συνδούλου μου Βούρρου, τοῦ κατὰ θεὸν διακόνου ὑμῶν ἐν πᾶσιν εὐλογημένου, εὔχομαι παραμεῖναι αὐτὸν εἰς τιμὴν ὑμῶν καὶ τοῦ ἐπισκόπου· καὶ Κρόκος δέ, ὁ θεοῦ ἄξιος καὶ ὑμῶν, ὃν ἐξεμπλάριον τῆς ἀφʼ ὑμῶν ἀγάπης ἀπέλαβον, κατὰ πάντα με ἀνέπαυσεν, ὡς καὶ αὐτὸν ὁ πατὴρ Ἰησοῦ Χριστοῦ ἀναψύξαι, ἅμα Ὀνησίμῳ καὶ Βούρρῳ καὶ Εὔπλῳ καὶ Φρόντωνι, διʼ ὧν πάντας ὑμᾶς κατὰ ἀγάπην εἶδον.
Peri de tou syndoulou mou Bourrou, tou kata theon diakonou hymōn en pasin eulogēmenou, euchomai parameinai auton eis timēn hymōn kai tou episkopou; kai Krokos de, ho theou axios kai hymōn, hon exemplarion tēs aphʼ hymōn agapēs apelabon, kata panta me anepausen, hōs kai auton ho patēr Iēsou Christou anapsyxai, hama Onēsimǭ kai Bourrǭ kai Euplǭ kai Phrontōni, diʼ hōn pantas hymas kata agapēn eidon.
As for my fellow servant Burrhus, your deacon by God's will, blessed in all things, I pray that he may stay with me, to the honor of you and of the bishop. And Crocus too, worthy of God and of you, whom I received as a living example of your love, has refreshed me in every way (may the Father of Jesus Christ likewise refresh him), together with Onesimus and Burrhus and Euplus and Fronto, in whom I saw all of you in love.
2.2Lake, LCL 24:174–176
ὀναίμην ὑμῶν διὰ παντός, ἐάνπερ ἄξιος ὦ. πρέπον οὖν ἐστὶν κατὰ πάντα τρόπον δοξάζειν Ἰησοῦν Χριστὸν τὸν δοξάσαντα ὑμᾶς, ἵνα ἐν μιᾷ ὑποταγῇ κατηρτισμένοι, ὑποτασσόμενοι τῷ ἐπισκόπῳ καὶ τῷ πρεσβυτερίῳ, κατὰ πάντα ἦτε ἡγιασμένοι.
onaimēn hymōn dia pantos, eanper axios ō. prepon oun estin kata panta tropon doxazein Iēsoun Christon ton doxasanta hymas, hina en mią hypotagę̄ katērtismenoi, hypotassomenoi tǭ episkopǭ kai tǭ presbyteriǭ, kata panta ēte hēgiasmenoi.
May I have joy of you always, if indeed I am worthy. It is fitting, then, in every way to glorify Jesus Christ, who has glorified you, so that, made complete in one obedience and subject to the bishop and the council of presbyters, you may be sanctified in all things.
Chapter 3
3.1Lake, LCL 24:176
Οὐ διατάσσομαι ὑμῖν ὡς ὤν τις. εἰ γὰρ καὶ δέδεμαι ἐν τῷ ὀνόματι, οὔπω ἀπήρτισμαι ἐν Ἰησοῦ Χριστῷ· νῦν γὰρ ἀρχὴν ἔχω τοῦ μαθητεύεσθαι, καὶ προσλαλῶ ὑμῖν ὡς συνδιδασκαλίταις μου. ἐμὲ γὰρ ἔδει ὑφʼ ὑμῶν ὑπαλειφθῆναι πίστει, νουθεσίᾳ, ὑπομονῇ, μακροθυμίᾳ.
Ou diatassomai hymin hōs ōn tis. ei gar kai dedemai en tǭ onomati, oupō apērtismai en Iēsou Christǭ; nyn gar archēn echō tou mathēteuesthai, kai proslalō hymin hōs syndidaskalitais mou. eme gar edei hyphʼ hymōn hypaleiphthēnai pistei, nouthesią, hypomonę̄, makrothymią.
I do not give you orders as though I were someone. For even if I am in chains for the Name, I have not yet been made perfect in Jesus Christ. For now I am only beginning to be a disciple, and I speak to you as my fellow learners. For I needed to be anointed by you with faith, admonition, endurance, and patience.
3.2Lake, LCL 24:176
ἀλλʼ ἐπεὶ ἡ ἀγάπη οὐκ ἐᾷ με σιωπᾶν περὶ ὑμῶν, διὰ τοῦτο προέλαβον παρακαλεῖν ὑμᾶς, ὅπως συντρέχητε τῇ γνώμῃ τοῦ θεοῦ. καὶ γὰρ Ἰησοῦς Χριστός, τὸ ἀδιάκριτον ἡμῶν ζῆν, τοῦ πατρὸς ἡ γνώμη, ὡς καὶ οἱ ἐπίσκοποι, οἱ κατὰ τὰ πέρατα ὁρισθέντες, ἐν Ἰησοῦ Χριστοῦ γνώμῃ εἰσίν.
allʼ epei hē agapē ouk eą me siōpan peri hymōn, dia touto proelabon parakalein hymas, hopōs syntrechēte tę̄ gnōmę̄ tou theou. kai gar Iēsous Christos, to adiakriton hēmōn zēn, tou patros hē gnōmē, hōs kai hoi episkopoi, hoi kata ta perata horisthentes, en Iēsou Christou gnōmę̄ eisin.
But since love does not let me be silent about you, I have taken it on myself to urge you to run in harmony with the mind of God. For Jesus Christ, our inseparable life, is the mind of the Father, just as the bishops, who have been appointed throughout the ends of the earth, are in the mind of Jesus Christ.
Chapter 4
4.1Lake, LCL 24:176
Ὅθεν πρέπει ὑμῖν συντρέχειν τῇ τοῦ ἐπισκόπου γνώμῃ, ὅπερ καὶ ποιεῖτε. τὸ γὰρ ἀξιονόμαστον ὑμῶν πρεσβυτέριον, τοῦ θεοῦ ἄξιον, οὕτως συνήρμοσται τῷ ἐπισκόπῳ, ὡς χορδαὶ κιθάρᾳ. διὰ τοῦτο ἐν τῇ ὁμονοίᾳ ὑμῶν καὶ συμφώνῳ ἀγάπῃ Ἰησοῦς Χριστὸς ᾅδεται.
Hothen prepei hymin syntrechein tę̄ tou episkopou gnōmę̄, hoper kai poieite. to gar axionomaston hymōn presbyterion, tou theou axion, houtōs synērmostai tǭ episkopǭ, hōs chordai kitharą. dia touto en tę̄ homonoią hymōn kai symphōnǭ agapę̄ Iēsous Christos hądetai.
Therefore it is fitting for you to run in harmony with the mind of the bishop, as indeed you do. For your council of presbyters, worthy of its name and worthy of God, is attuned to the bishop as strings to a lyre. Therefore in your concord and harmonious love Jesus Christ is sung.
4.2Lake, LCL 24:176–178
καὶ οἱ κατʼ ἄνδρα δὲ χορὸς γίνεσθε, ἵνα σύμφωνοι ὄντες ἐν ὁμονοίᾳ, χρῶμα θεοῦ λαβόντες ἐν ἑνότητι, ᾅδητε ἐν φωνῇ μιᾷ διὰ Ἰησοῦ Χριστοῦ τῷ πατρί, ἵνα ὑμῶν καὶ ἀκούσῃ καὶ ἐπιγινώσκῃ, διʼ ὧν εὖ πράσσετε, μέλη ὄντας τοῦ υἱοῦ αὐτοῦ. χρήσιμον οὖν ἐστὶν ὑμᾶς ἐν ἀμώμῳ ἑνότητι εἶναι, ἵνα καὶ θεοῦ πάντοτε μετέχητε.
kai hoi katʼ andra de choros ginesthe, hina symphōnoi ontes en homonoią, chrōma theou labontes en henotēti, hądēte en phōnę̄ mią dia Iēsou Christou tǭ patri, hina hymōn kai akousę̄ kai epiginōskę̄, diʼ hōn eu prassete, melē ontas tou huiou autou. chrēsimon oun estin hymas en amōmǭ henotēti einai, hina kai theou pantote metechēte.
Each one of you, join the choir, so that, harmonious in concord and taking up God's key in unity, you may sing with one voice through Jesus Christ to the Father, so that he may both hear you and recognize, through your good deeds, that you are members of his Son. It is profitable, then, for you to be in blameless unity, so that you may always share in God.
Chapter 5
5.1Lake, LCL 24:178
Εἰ γὰρ ἐγὼ ἐν μικρῷ χρόνῳ τοιαύτην συνήθειαν ἔσχον πρὸς τὸν ἐπίσκοπον ὑμῶν, οὐκ ἀνθρωπίνην οὖσαν, ἀλλὰ πνευματικήν, πόσῳ μᾶλλον ὑμᾶς μακαρίζω τοὺς ἐγκεκραμένους οὕτως, ὡς ἡ ἐκκλησία Ἰησοῦ Χριστῷ, καὶ ὡς Ἰησοῦς Χριστὸς τῷ πατρί, ἵνα πάντα ἐν ἑνότητι σύμφωνα ᾖ;
Ei gar egō en mikrǭ chronǭ toiautēn synētheian eschon pros ton episkopon hymōn, ouk anthrōpinēn ousan, alla pneumatikēn, posǭ mallon hymas makarizō tous enkekramenous houtōs, hōs hē ekklēsia Iēsou Christǭ, kai hōs Iēsous Christos tǭ patri, hina panta en henotēti symphōna ę̄?
For if I in a short time came to have such fellowship with your bishop, not human but spiritual, how much more do I count you blessed who are joined with him as the church is with Jesus Christ and as Jesus Christ is with the Father, so that all things may be harmonious in unity?
5.2Lake, LCL 24:178
μηδεὶς πλανάσθω· ἐὰν μή τις ᾖ ἐντὸς τοῦ θυσιαστηρίου, ὑστερεῖται τοῦ ἄρτου τοῦ θεοῦ. εἰ γὰρ ἑνὸς καὶ δευτέρου προσευχὴ τοσαύτην ἰσχὺν ἔχει, πόσῳ μᾶλλον ἥ τε τοῦ ἐπισκόπου καὶ πάσης τῆς ἐκκλησίας;
mēdeis planasthō; ean mē tis ę̄ entos tou thysiastēriou, hystereitai tou artou tou theou. ei gar henos kai deuterou proseuchē tosautēn ischyn echei, posǭ mallon hē te tou episkopou kai pasēs tēs ekklēsias?
Let no one be deceived: if anyone is not within the sanctuary, he lacks the bread of God. For if the prayer of one or two has such power, how much more that of the bishop and the whole church?
5.3Lake, LCL 24:178
ὁ οὖν μὴ ἐρχόμενος ἐπὶ τὸ αὐτὸ οὗτος ἤδη ὑπερηφανεῖ καὶ ἑαυτὸν διέκρινεν. γέγραπται γάρ· Ὑπερηφάνοις ὁ θεὸς ἀντιτάσσεται, σπουδάσωμεν οὖν μὴ ἀντιτάσσεσθαι τῷ ἐπισκόπῳ, ἵνα ὦμεν θεῷ ὑποτασσόμενοι.
ho oun mē erchomenos epi to auto houtos ēdē hyperēphanei kai heauton diekrinen. gegraptai gar; Hyperēphanois ho theos antitassetai, spoudasōmen oun mē antitassesthai tǭ episkopǭ, hina ōmen theǭ hypotassomenoi.
So whoever does not come to the assembly is already proud and has separated himself. For it is written, “God opposes the proud.” Let us be eager, then, not to oppose the bishop, so that we may be subject to God.
Chapter 6
6.1Lake, LCL 24:178–180
Καὶ ὅσον βλέπει τις σιγῶντα ἐπίσκοπον, πλειόνως αὐτὸν φοβείσθω· πάντα γάρ, ὃν πέμπει ὁ οἰκοδεσπότης εἰς ἰδίαν οἰκονομίαν, οὕτως δεῖ ἡμᾶς αὐτὸν δέχεσθαι, ὡς αὐτὸν τὸν πέμψαντα, τὸν οὖν ἐπίσκοπον δῆλον ὅτι ὡς αὐτὸν κύριον δεῖ προσβλέπειν.
Kai hoson blepei tis sigōnta episkopon, pleionōs auton phobeisthō; panta gar, hon pempei ho oikodespotēs eis idian oikonomian, houtōs dei hēmas auton dechesthai, hōs auton ton pempsanta, ton oun episkopon dēlon hoti hōs auton kyrion dei prosblepein.
And the more anyone sees the bishop keeping silent, the more he should fear him. For everyone whom the master of the house sends to manage his own household we must receive as we would the one who sent him. It is clear, then, that we must regard the bishop as the Lord himself.
6.2Lake, LCL 24:180
αὐτὸς μὲν οὖν Ὀνήσιμος ὑπερεπαινεῖ ὑμῶν τὴν ἐν θεῷ εὐταξίαν, ὅτι πάντες κατὰ ἀλήθειαν ζῆτε καὶ ὅτι ἐν ὑμῖν οὐδεμία αἵρεσις κατοικεῖ· ἀλλʼ οὐδὲ ἀκούετέ τινος πλέον, ἢ περὶ Ἰησοῦ Χριστοῦ λαλοῦντος ἐν ἀληθείᾳ.
autos men oun Onēsimos hyperepainei hymōn tēn en theǭ eutaxian, hoti pantes kata alētheian zēte kai hoti en hymin oudemia hairesis katoikei; allʼ oude akouete tinos pleon, ē peri Iēsou Christou lalountos en alētheią.
Indeed Onesimus himself highly praises your good order in God: that you all live according to the truth and that no heresy dwells among you; rather, you do not even listen to anyone unless he speaks truthfully about Jesus Christ.
Chapter 7
7.1Lake, LCL 24:180
Εἰώθασιν γάρ τινες δόλῳ πονηρῷ τὸ ὄνομα περιφέρειν, ἄλλα τινὰ πράσσοντες ἀνάξια θεοῦ· οὓς δεῖ ὑμᾶς ὡς θηρία ἐκκλίνειν· εἰσὶν γὰρ κύνες λυσσῶντες, λαθροδῆκται· οὓς δεῖ ὑμᾶς φυλάσσεσθαι ὄντας δυσθεραπεύτους.
Eiōthasin gar tines dolǭ ponērǭ to onoma peripherein, alla tina prassontes anaxia theou; hous dei hymas hōs thēria ekklinein; eisin gar kynes lyssōntes, lathrodēktai; hous dei hymas phylassesthai ontas dystherapeutous.
For some are accustomed to carry the Name about with wicked deceit, while doing other things unworthy of God. You must shun them as wild beasts, for they are mad dogs that bite by stealth. You must be on your guard against them, for they are hard to cure.
7.2Lake, LCL 24:180
εἷς ἰατρός ἐστιν, σαρκικός τε καὶ πνευματικός, γεννητὸς καὶ ἀγέννητος, ἐν ἀνθρώπῳ θεός, ἐν θανάτῳ ζωὴ ἀληθινή, καὶ ἐκ Μαρίας καὶ ἐκ θεοῦ, πρῶτον παθητὸς καὶ τότε ἀπαθής. Ἰησοῦς Χριστὸς ὁ κύριος ἡμῶν.
heis iatros estin, sarkikos te kai pneumatikos, gennētos kai agennētos, en anthrōpǭ theos, en thanatǭ zōē alēthinē, kai ek Marias kai ek theou, prōton pathētos kai tote apathēs. Iēsous Christos ho kyrios hēmōn.
There is one physician, both fleshly and spiritual, born and unborn, God in man, true life in death, both from Mary and from God, first subject to suffering and then beyond suffering: Jesus Christ our Lord.
Chapter 8
8.1Lake, LCL 24:180–182
Μὴ οὖν τις ὑμᾶς ἐξαπατάτω, ὥσπερ οὐδὲ ἐξαπατᾶσθε, ὅλοι ὄντες θεοῦ. ὅταν γὰρ μηδεμία ἔρις ἐνήρεισται ἐν ὑμῖν ἡ δυναμένη ὑμᾶς βασανίσαι ἄρα κατὰ θεὸν ζῆτε. περίψημα ὑμῶν καὶ ἁγνίζομαι ὑμῶν Ἐφεσίων, ἐκκλησίας τῆς διαβοήτου τοῖς αἰῶσιν.
Mē oun tis hymas exapatatō, hōsper oude exapatasthe, holoi ontes theou. hotan gar mēdemia eris enēreistai en hymin hē dynamenē hymas basanisai ara kata theon zēte. peripsēma hymōn kai hagnizomai hymōn Ephesiōn, ekklēsias tēs diaboētou tois aiōsin.
Let no one deceive you, then, as indeed you are not deceived, since you belong wholly to God. For when no strife that could torment you has taken root among you, then you are living according to God. I am your humble servant, and I offer myself for you Ephesians, a church famous throughout the ages.
8.2Lake, LCL 24:182
οἱ σαρκικοὶ τὰ πνευματικὰ πράσσειν οὐ δύνανται, οὐδὲ οἱ πνευματικοὶ τὰ σαρκικά, ὥσπερ οὐδὲ ἡ πίστις τὰ τῆς ἀπιστίας οὐδὲ ἡ ἀπιστία τὰ τῆς πίστεως. ἃ δὲ καὶ κατὰ σάρκα πράσσετε, ταῦτα πνευματικά ἐστιν· ἐν Ἰησοῦ γὰρ Χριστῷ πάντα πράσσετε.
hoi sarkikoi ta pneumatika prassein ou dynantai, oude hoi pneumatikoi ta sarkika, hōsper oude hē pistis ta tēs apistias oude hē apistia ta tēs pisteōs. ha de kai kata sarka prassete, tauta pneumatika estin; en Iēsou gar Christǭ panta prassete.
Those who are fleshly cannot do the things of the spirit, nor can those who are spiritual do the things of the flesh, just as faith cannot do the things of unbelief, nor unbelief the things of faith. But even what you do according to the flesh is spiritual, for you do all things in Jesus Christ.
Chapter 9
9.1Lake, LCL 24:182
Ἔγνων δὲ παροδεύσαντάς τινας ἐκεῖθεν, ἔχοντας κακὴν διδαχήν· οὓς οὐκ εἰάσατε σπεῖραι εἰς ὑμᾶς, βύσαντες τὰ ὦτα, εἰς τὸ μὴ παραδέξασθαι τὰ σπειρόμενα ὑπʼ αὐτῶν, ὡς ὄντες λίθοι ναοῦ πατρός, ἡτοιμασμένοι εἰς οἰκοδομὴν θεοῦ πατρός, ἀναφερόμενοι εἰς τὰ ὕψη διὰ τῆς μηχανῆς Ἰησοῦ Χριστοῦ, ὅς ἐστιν σταυρός, σχοινίῳ χρώμενοι τῷ πνεύματι τῷ ἁγίῳ· ἡ δὲ πίστις ὑμῶν ἀναγωγεὺς ὑμῶν, ἡ δὲ ἀγάπη ὁδὸς ἡ ἀναφέρουσα εἰς θεόν.
Egnōn de parodeusantas tinas ekeithen, echontas kakēn didachēn; hous ouk eiasate speirai eis hymas, bysantes ta ōta, eis to mē paradexasthai ta speiromena hypʼ autōn, hōs ontes lithoi naou patros, hētoimasmenoi eis oikodomēn theou patros, anapheromenoi eis ta hypsē dia tēs mēchanēs Iēsou Christou, hos estin stauros, schoiniǭ chrōmenoi tǭ pneumati tǭ hagiǭ; hē de pistis hymōn anagōgeus hymōn, hē de agapē hodos hē anapherousa eis theon.
But I have learned that certain people passed through from there with evil teaching, whom you did not allow to sow it among you. You stopped your ears so as not to receive what they were sowing, since you are stones of the Father's temple, prepared for the building of God the Father, hoisted up to the heights by the crane of Jesus Christ, which is the cross, using as a rope the Holy Spirit. Your faith is what lifts you up, and love is the road that leads up to God.
9.2Lake, LCL 24:182–184
ἐστὲ οὖν καὶ σύνοδοι πάντες, θεοφόροι καὶ ναοφόροι, χριστοφόροι, ἁγιοφόροι, κατὰ πάντα κεκοσμημένοι ἐντολαῖς Ἰησοῦ Χριστοῦ· οἷς καὶ ἀγαλλιώμενος ἠξιώθην διʼ ὧν γράφω προσομιλῆσαι ὑμῖν καὶ συγχαρῆναι, ὅτι κατʼ ἀνθρώπων βίον οὐδὲν ἀγαπᾶτε εἰ μὴ μόνον τὸν θεόν.
este oun kai synodoi pantes, theophoroi kai naophoroi, christophoroi, hagiophoroi, kata panta kekosmēmenoi entolais Iēsou Christou; hois kai agalliōmenos ēxiōthēn diʼ hōn graphō prosomilēsai hymin kai syncharēnai, hoti katʼ anthrōpōn bion ouden agapate ei mē monon ton theon.
So you are all fellow travelers, God-bearers and temple-bearers, Christ-bearers, bearers of holy things, adorned in every way with the commandments of Jesus Christ. In this I rejoice, since I have been counted worthy to talk with you through what I write and to share your joy, because in your human life you love nothing but God alone.
Chapter 10
10.1Lake, LCL 24:184
Καὶ ὑπὲρ τῶν ἄλλων δὲ ἀνθρώπων ἀδιαλείπτως προσεύχεσθε, ἔστιν γὰρ ἐν αὐτοῖς ἐλπὶς μετανοίας, ἵνα θεοῦ τύχωσιν. ἐπιτρέψατε οὖν αὐτοῖς κἂν ἐκ τῶν ἔργων ὑμῖν μαθητευθῆναι.
Kai hyper tōn allōn de anthrōpōn adialeiptōs proseuchesthe, estin gar en autois elpis metanoias, hina theou tychōsin. epitrepsate oun autois kan ek tōn ergōn hymin mathēteuthēnai.
And pray unceasingly for the rest of humanity as well, for there is hope of repentance in them, that they may attain to God. So let them learn from you, at least from your works.
10.2Lake, LCL 24:184
πρὸς τὰς ὀργὰς αὐτῶν ὑμεῖς πραεῖς, πρὸς τὰς μεγαλορημοσύνας αὐτῶν ὑμεῖς ταπεινόφρονες, πρὸς τὰς βλασφημίας αὐτῶν ὑμεῖς τὰς προσευχάς, πρὸς τὴν πλάνην αὐτῶν ὑμεῖς ἑδραῖοι τῇ πίστει, πρὸς τὸ ἄγριον αὐτῶν ὑμεῖς ἥμεροι, μὴ σπουδάζοντες ἀντιμιμήσασθαι αὐτούς,
pros tas orgas autōn hymeis praeis, pros tas megalorēmosynas autōn hymeis tapeinophrones, pros tas blasphēmias autōn hymeis tas proseuchas, pros tēn planēn autōn hymeis hedraioi tę̄ pistei, pros to agrion autōn hymeis hēmeroi, mē spoudazontes antimimēsasthai autous,
Answer their anger with gentleness, their boasting with humility, their slanders with prayers, their error with steadfastness in the faith, their savagery with gentleness of manners, not eager to retaliate against them.
10.3Lake, LCL 24:184
ἀδελφοὶ αὐτῶν εὑρεθῶμεν τῇ ἐπιεικείᾳ· μιμηταὶ δὲ τοῦ κυρίου σπουδάζωμεν εἶναι, τίς πλέον ἀδικηθῇ, τίς ἀποστερηθῇ, τίς ἀθετηθῇ· ἵνα μὴ τοῦ διαβόλου βοτάνη τις εὑρεθῇ ἐν ὑμῖν, ἀλλʼ ἐν πάσῃ ἁγνείᾳ καὶ σωφροσύνῃ μένητε ἐν Ἰησοῦ Χριστῷ σαρκικῶς καὶ πνευματικῶς.
adelphoi autōn heurethōmen tę̄ epieikeią; mimētai de tou kyriou spoudazōmen einai, tis pleon adikēthę̄, tis aposterēthę̄, tis athetēthę̄; hina mē tou diabolou botanē tis heurethę̄ en hymin, allʼ en pasę̄ hagneią kai sōphrosynę̄ menēte en Iēsou Christǭ sarkikōs kai pneumatikōs.
Let us be found their brothers by our forbearance, and let us be eager to be imitators of the Lord (who was more wronged, who more defrauded, who more rejected?), so that no weed of the devil may be found among you, but that in all purity and self-control you may remain in Jesus Christ, in flesh and in spirit.
Chapter 11
11.1Lake, LCL 24:184–186
Ἔσχατοι καιροί. λοιπὸν αἰσχυνθῶμεν, φοβηθῶμεν τὴν μακροθυμίαν τοῦ θεοῦ, ἵνα μὴ ἡμῖν εἰς κρίμα γένηται. ἢ γὰρ τὴν μέλλουσαν ὀργὴν φοβηθῶμεν, ἢ τὴν ἐνεστῶσαν χάριν ἀγαπήσωμεν, ἓν τῶν δύο· μόνον ἐν Χριστῷ Ἰησοῦ εὑρεθῆναι εἰς τὸ ἀληθινὸν ζῆν.
Eschatoi kairoi. loipon aischynthōmen, phobēthōmen tēn makrothymian tou theou, hina mē hēmin eis krima genētai. ē gar tēn mellousan orgēn phobēthōmen, ē tēn enestōsan charin agapēsōmen, hen tōn dyo; monon en Christǭ Iēsou heurethēnai eis to alēthinon zēn.
These are the last times. From now on let us be reverent and fear the patience of God, so that it may not become a judgment against us. For let us either fear the wrath to come or love the grace that is present, one of the two; only let us be found in Christ Jesus unto true life.
11.2Lake, LCL 24:186
χωρὶς τούτου μηδὲν ὑμῖν πρεπέτω, ἐν ᾧ τὰ δεσμὰ περιφέρω, τοὺς πνευματικοὺς μαργαρίτας, ἐν οἷς γένοιτό μοι ἀναστῆναι τῇ προσευχῇ ὑμῶν, ἧς γένοιτό μοι ἀεὶ μέτοχον εἶναι, ἵνα ἐν κλήρῳ Ἐφεσίων εὑρεθῶ τῶν Χριστιανῶν, οἳ καὶ τοῖς ἀποστόλοις πάντοτε συνῄνεσαν ἐν δυνάμει Ἰησοῦ Χριστοῦ.
chōris toutou mēden hymin prepetō, en hǭ ta desma peripherō, tous pneumatikous margaritas, en hois genoito moi anastēnai tę̄ proseuchę̄ hymōn, hēs genoito moi aei metochon einai, hina en klērǭ Ephesiōn heurethō tōn Christianōn, hoi kai tois apostolois pantote synę̄nesan en dynamei Iēsou Christou.
Apart from him let nothing seem fitting to you. In him I carry my chains, my spiritual pearls, in which may I rise again through your prayer, in which may I always share, so that I may be found in the company of the Christians of Ephesus, who have always been in agreement with the apostles by the power of Jesus Christ.
Chapter 12
12.1Lake, LCL 24:186
Οἶδα, τίς εἰμι καὶ τίσιν γράφω. ἐγὼ κατάκριτος, ὑμεῖς ἠλεημένοι· ἐγὼ ὑπὸ κίνδυνον, ὑμεῖς ἐστηριγμένοι·
Oida, tis eimi kai tisin graphō. egō katakritos, hymeis ēleēmenoi; egō hypo kindynon, hymeis estērigmenoi;
I know who I am and to whom I am writing. I am a condemned man, you have received mercy; I am in danger, you are secure.
12.2Lake, LCL 24:186
πάροδός ἐστε τῶν εἰς θεὸν ἀναιρουμένων, Παύλου συμμύσται τοῦ ἡγιασμένου, τοῦ μεμαρτυρημένου, ἀξιομακαρίστου, οὗ γένοιτό μοι ὑπὸ τὰ ἴχνη εὑρεθῆναι, ὅταν θεοῦ ἐπιτύχω, ὃς ἐν πάσῃ ἐπιστολῇ μνημονεύει ὑμῶν ἐν Χριστῷ Ἰησοῦ.
parodos este tōn eis theon anairoumenōn, Paulou symmystai tou hēgiasmenou, tou memartyrēmenou, axiomakaristou, hou genoito moi hypo ta ichnē heurethēnai, hotan theou epitychō, hos en pasę̄ epistolę̄ mnēmoneuei hymōn en Christǭ Iēsou.
You are the highway for those who are being killed for God's sake; fellow initiates with Paul, who was sanctified, who was martyred, worthy of all blessing, in whose footsteps may I be found when I attain to God, who in every letter remembers you in Christ Jesus.
Chapter 13
13.1Lake, LCL 24:186
Σπουδάζετε οὖν πυκνότερον συνέρχεσθαι εἰς εὐχαριστίαν θεοῦ καὶ εἰς δόξαν. ὅταν γὰρ πυκνῶς ἐπὶ τὸ αὐτὸ γίνεσθε, καθαιροῦνται αἱ δυνάμεις τοῦ Σατανᾶ, καὶ λύεται ὁ ὄλεθρος αὐτοῦ ἐν τῇ ὁμονοίᾳ ὑμῶν τῆς πίστεως.
Spoudazete oun pyknoteron synerchesthai eis eucharistian theou kai eis doxan. hotan gar pyknōs epi to auto ginesthe, kathairountai hai dynameis tou Satana, kai lyetai ho olethros autou en tę̄ homonoią hymōn tēs pisteōs.
Be eager, then, to come together more often for the Eucharist of God and for his glory. For when you meet together frequently, the powers of Satan are overthrown, and his destructiveness is undone by the concord of your faith.
13.2Lake, LCL 24:186–188
οὐδέν ἐστιν ἄμεινον εἰρήνης, ἐν ᾗ πᾶς πόλεμος καταργεῖται ἐπουρανίων καὶ ἐπιγείων.
ouden estin ameinon eirēnēs, en hę̄ pas polemos katargeitai epouraniōn kai epigeiōn.
There is nothing better than peace, by which all warfare of those in heaven and on earth is abolished.
Chapter 14
14.1Lake, LCL 24:188
Ὦν οὐδὲν λανθάνει ὑμᾶς, ἐὰν τελείως εἰς Ἰησοῦν Χριστὸν ἔχητε τὴν πίστιν καὶ τὴν ἀγάπην, ἥτις ἐστὶν ἀρχὴ ζωῆς καὶ τέλος· ἀρχὴ μὲν πίστις, τέλος δὲ ἀγάπη. τὰ δὲ δύο ἐν ἑνότητι γενόμενα θεός ἐστιν, τὰ δὲ ἄλλα πάντα εἰς καλοκἀγαθίαν ἀκόλουθά ἐστιν.
Ōn ouden lanthanei hymas, ean teleiōs eis Iēsoun Christon echēte tēn pistin kai tēn agapēn, hētis estin archē zōēs kai telos; archē men pistis, telos de agapē. ta de dyo en henotēti genomena theos estin, ta de alla panta eis kalokagathian akoloutha estin.
None of these things escapes you if you have perfect faith and love toward Jesus Christ, which are the beginning and the end of life: faith is the beginning and love is the end. And the two, when they are joined in unity, are God; and all the other things that belong to noble goodness follow from them.
14.2Lake, LCL 24:188
οὐδεὶς πίστιν ἐπαγγελλόμενος ἁμαρτάνει, οὐδὲ ἀγάπην κεκτημένος μισεῖ. φανερὸν τὸ δένδρον ἀπὸ τοῦ καρποῦ αὐτοῦ. οὕτως οἱ ἐπαγγελλόμενοι Χριστοῦ εἶναι διʼ ὧν πράσσουσιν ὀφθήσονται. οὐ γὰρ νῦν ἐπαγγελίας τὸ ἔργον, ἀλλʼ ἐν δυνάμει πίστεως ἐάν τις εὑρεθῇ εἰς τέλος.
oudeis pistin epangellomenos hamartanei, oude agapēn kektēmenos misei. phaneron to dendron apo tou karpou autou. houtōs hoi epangellomenoi Christou einai diʼ hōn prassousin ophthēsontai. ou gar nyn epangelias to ergon, allʼ en dynamei pisteōs ean tis heurethę̄ eis telos.
No one who professes faith sins, nor does anyone who possesses love hate. “The tree is known by its fruit.” So those who profess to be Christ's will be seen by what they do. For the work is not a matter of profession now, but of whether one is found in the power of faith to the end.
Chapter 15
15.1Lake, LCL 24:188
Ἄμεινόν ἐστιν σιωπᾶν καὶ εἶναι, ἢ λαλοῦντα μὴ εἶναι. καλὸν τὸ διδάσκειν, ἐὰν ὁ λέγων ποιῇ. εἷς οὖν διδάσκαλος, ὃς εἶπεν, καὶ ἐγένετο· καὶ ἃ σιγῶν δὲ πεποίηκεν ἄξια τοῦ πατρός ἐστιν.
Ameinon estin siōpan kai einai, ē lalounta mē einai. kalon to didaskein, ean ho legōn poię̄. heis oun didaskalos, hos eipen, kai egeneto; kai ha sigōn de pepoiēken axia tou patros estin.
It is better to be silent and to be than to speak and not to be. It is good to teach, if the one who speaks also does. There is, then, one Teacher, who spoke and it came to be; and even the things he has done in silence are worthy of the Father.
15.2Lake, LCL 24:188
ὁ λόγον Ἰησοῦ κεκτημένος ἀληθῶς δύναται καὶ τῆς ἡσυχίας αὐτοῦ ἀκούειν, ἵνα τέλειος ᾖ, ἵνα διʼ ὧν λαλεῖ πράσσῃ καὶ διʼ ὧν σιγᾷ γινώσκηται.
ho logon Iēsou kektēmenos alēthōs dynatai kai tēs hēsychias autou akouein, hina teleios ę̄, hina diʼ hōn lalei prassę̄ kai diʼ hōn sigą ginōskētai.
Whoever truly possesses the word of Jesus is able to hear even his silence, so that he may be perfect, so that he may act through what he says and be known through what he does not say.
15.3Lake, LCL 24:188–190
οὐδὲν λανθάνει τὸν κύριον, ἀλλὰ καὶ τὰ κρυπτὰ ἡμῶν ἐγγὺς αὐτῷ ἐστιν. πάντα οὖν ποιῶμεν ὡς αὐτοῦ ἐν ἡμῖν κατοικοῦντος, ἵνα ὦμεν αὐτοῦ ναοὶ καὶ αὐτὸς ἐν ἡμῖν θεὸς ἡμῶν· ὅπερ καὶ ἔστιν καὶ φανήσεται πρὸ προσώπου ἡμῶν, ἐξ ὧν δικαίως ἀγαπῶμεν αὐτόν.
ouden lanthanei ton kyrion, alla kai ta krypta hēmōn engys autǭ estin. panta oun poiōmen hōs autou en hēmin katoikountos, hina ōmen autou naoi kai autos en hēmin theos hēmōn; hoper kai estin kai phanēsetai pro prosōpou hēmōn, ex hōn dikaiōs agapōmen auton.
Nothing is hidden from the Lord; even our secrets are near him. So let us do all things as though he were dwelling in us, so that we may be his temples and he may be our God within us, as indeed he is, and as he will be made manifest before our face; for which reason we rightly love him.
Chapter 16
16.1Lake, LCL 24:190
Μὴ πλανᾶσθε, ἀδελφοί μου· οἱ οἰκοφθόροι βασιλείαν θεοῦ οὐ κληρονομήσουσιν.
Mē planasthe, adelphoi mou; hoi oikophthoroi basileian theou ou klēronomēsousin.
Do not be deceived, my brothers: those who corrupt households will not inherit the kingdom of God.
16.2Lake, LCL 24:190
εἰ οὖν οἱ κατὰ σάρκα ταῦτα πράσσοντες ἀπέθανον, πόσῳ μᾶλλον, ἐὰν πίστιν θεοῦ ἐν κακῇ διδασκαλίᾳ φθείρῃ, ὑπὲρ ἧς Ἰησοῦς Χριστὸς ἐσταυρώθη; ὁ τοιοῦτος ῥυπαρὸς γενόμενος, εἰς τὸ πῦρ τὸ ἄσβεστον χωρήσει, ὁμοίως καὶ ὁ ἀκούων αὐτοῦ.
ei oun hoi kata sarka tauta prassontes apethanon, posǭ mallon, ean pistin theou en kakę̄ didaskalią phtheirę̄, hyper hēs Iēsous Christos estaurōthē? ho toioutos rhyparos genomenos, eis to pyr to asbeston chōrēsei, homoiōs kai ho akouōn autou.
If, then, those who did these things according to the flesh died, how much more will this be so if anyone by evil teaching corrupts the faith of God, for which Jesus Christ was crucified? Such a person, having become filthy, will go into the unquenchable fire, and so will anyone who listens to him.
Chapter 17
17.1Lake, LCL 24:190
Διὰ τοῦτο μύρον ἔλαβεν ἐπὶ τῆς κεφαλῆς αὐτοῦ ὁ κύριος, ἵνα πνέῃ τῇ ἐκκλησίᾳ ἀφθαρσίαν, μὴ ἀλείφεσθε δυσωδίαν τῆς διδασκαλίας τοῦ ἄρχοντος τοῦ αἰῶνος τούτου, μὴ αἰχμαλωτίσῃ ὑμᾶς ἐκ τοῦ προκειμένου ζῆν.
Dia touto myron elaben epi tēs kephalēs autou ho kyrios, hina pneę̄ tę̄ ekklēsią aphtharsian, mē aleiphesthe dysōdian tēs didaskalias tou archontos tou aiōnos toutou, mē aichmalōtisę̄ hymas ek tou prokeimenou zēn.
For this reason the Lord received ointment on his head, so that he might breathe incorruption on the church. Do not be anointed with the foul odor of the teaching of the ruler of this age, lest he take you captive away from the life that lies before you.
17.2Lake, LCL 24:190
διὰ τί δὲ οὐ πάντες φρόνιμοι γινόμεθα λαβόντες θεοῦ γνῶσιν, ὅ ἐστιν Ἰησοῦς Χριστός; τί μωρῶς ἀπολλύμεθα, ἀγνοοῦντες τὸ χάρισμα, ὃ πέπομφεν ἀληθῶς ὁ κύριος;
dia ti de ou pantes phronimoi ginometha labontes theou gnōsin, ho estin Iēsous Christos? ti mōrōs apollymetha, agnoountes to charisma, ho pepomphen alēthōs ho kyrios?
Why do we not all become wise, having received the knowledge of God, which is Jesus Christ? Why do we perish in folly, not recognizing the gift that the Lord has truly sent?
Chapter 18
18.1Lake, LCL 24:190
Περίψημα τὸ ἐμὸν πνεῦμα τοῦ σταυροῦ, ὅ ἐστιν σκάνδαλον τοῖς ἀπιστοῦσιν, ἡμῖν δὲ σωτηρία καὶ ζωὴ αἰώνιος, ποῦ σοφός; ποῦ συζητητής; ποῦ καύχησις τῶν λεγομένων συνετῶν;
Peripsēma to emon pneuma tou staurou, ho estin skandalon tois apistousin, hēmin de sōtēria kai zōē aiōnios, pou sophos? pou syzētētēs? pou kauchēsis tōn legomenōn synetōn?
My spirit is a humble offering for the cross, which is a stumbling block to unbelievers, but to us salvation and eternal life. Where is the wise man? Where is the debater? Where is the boasting of those who are called intelligent?
18.2Lake, LCL 24:190–192
ὁ γὰρ θεὸς ἡμῶν Ἰησοῦς ὁ Χριστὸς ἐκυοφορήθη ὑπὸ Μαρίας κατʼ οἰκονομίαν θεοῦ ἐκ σπέρματος μὲν Δαυείδ, πνεύματος δὲ ἁγίου· ὃς ἐγεννήθη καὶ ἐβαπτίσθη, ἵνα τῷ πάθει τὸ ὕδωρ καθαρίσῃ.
ho gar theos hēmōn Iēsous ho Christos ekyophorēthē hypo Marias katʼ oikonomian theou ek spermatos men Daueid, pneumatos de hagiou; hos egennēthē kai ebaptisthē, hina tǭ pathei to hydōr katharisę̄.
For our God, Jesus the Christ, was conceived by Mary according to God's plan, of the seed of David and of the Holy Spirit; he was born and was baptized, so that by his suffering he might cleanse the water.
Chapter 19
19.1Lake, LCL 24:192
Καὶ ἔλαθεν τὸν ἄρχοντα τοῦ αἰῶνος τούτου ἡ παρθενία Μαρίας καὶ ὁ τοκετὸς αὐτῆς, ὁμοίως καὶ ὁ θάνατος τοῦ κυρίου· τρία μυστήρια κραυγῆς, ἅτινα ἐν ἡσυχίᾳ θεοῦ ἐπράχθη.
Kai elathen ton archonta tou aiōnos toutou hē parthenia Marias kai ho toketos autēs, homoiōs kai ho thanatos tou kyriou; tria mystēria kraugēs, hatina en hēsychią theou eprachthē.
And the ruler of this age was unaware of Mary's virginity and her giving birth, and likewise of the Lord's death: three mysteries to be loudly proclaimed, which were accomplished in the silence of God.
19.2Lake, LCL 24:192
πῶς οὖν ἐφανερώθη τοῖς αἰῶσιν; ἀστὴρ ἐν οὐρανῷ ἔλαμψεν ὑπὲρ πάντας τοὺς ἀστέρας, καὶ τὸ φῶς αὐτοῦ ἀνεκλάλητον ἦν καὶ ξενισμὸν παρεῖχεν ἡ καινότης αὐτοῦ, τὰ δὲ λοιπὰ πάντα ἄστρα ἅμα ἡλίῳ καὶ σελήνῃ χορὸς ἐγένετο τῷ ἀστέρι, αὐτὸς δὲ ἦν ὑπερβάλλων τὸ φῶς αὐτοῦ ὑπὲρ πάντα· ταραχή τε ἦν, πόθεν ἡ καινότης ἡ ἀνόμοιος αὐτοῖς.
pōs oun ephanerōthē tois aiōsin? astēr en ouranǭ elampsen hyper pantas tous asteras, kai to phōs autou aneklalēton ēn kai xenismon pareichen hē kainotēs autou, ta de loipa panta astra hama hēliǭ kai selēnę̄ choros egeneto tǭ asteri, autos de ēn hyperballōn to phōs autou hyper panta; tarachē te ēn, pothen hē kainotēs hē anomoios autois.
How, then, were they revealed to the ages? A star shone in heaven brighter than all the stars; its light was indescribable and its newness caused amazement. All the other stars, together with the sun and moon, formed a chorus around the star, yet it outshone them all with its light. And there was bewilderment over where this new thing, so unlike them, came from.
19.3Lake, LCL 24:192–194
ὅθεν ἐλύετο πᾶσα μαγεία καὶ πᾶς δεσμὸς ἠφανίζετο κακίας· ἄγνοια καθῃρεῖτο, παλαιὰ βασιλεία διεφθείρετο θεοῦ ἀνθρωπίνως φανερουμένου εἰς καινότητα ἀϊδίου ζωῆς· ἀρχὴν δὲ ἐλάμβανεν τὸ παρὰ θεῷ ἀπηρτισμένον. ἔνθεν τὰ πάντα συνεκινεῖτο διὰ τὸ μελετᾶσθαι θανάτου κατάλυσιν.
hothen elyeto pasa mageia kai pas desmos ēphanizeto kakias; agnoia kathę̄reito, palaia basileia diephtheireto theou anthrōpinōs phaneroumenou eis kainotēta aïdiou zōēs; archēn de elambanen to para theǭ apērtismenon. enthen ta panta synekineito dia to meletasthai thanatou katalysin.
From then on all magic was dissolved and every bond of wickedness vanished; ignorance was abolished, and the ancient kingdom was destroyed, when God appeared in human form to bring the newness of eternal life; and what had been prepared by God began to take effect. Hence all things were thrown into commotion, because the abolition of death was being prepared.
Chapter 20
20.1Lake, LCL 24:194
Ἐάν με καταξιώσῃ Ἰησοῦς Χριστὸς ἐν τῇ προσευχῇ ὑμῶν καὶ θέλημα ᾖ, ἐν τῷ δευτέρῳ βιβλιδίῳ, ὃ μέλλω γράφειν ὑμῖν, προσδηλώσω ὑμῖν, ἦς ἠρξάμην οἰκονομίας εἰς τὸν καινὸν ἄνθρωπον Ἰησοῦν Χριστόν, ἐν τῇ αὐτοῦ πίστει καὶ ἐν τῇ αὐτοῦ ἀγάπῃ, ἐν πάθει αὐτοῦ καὶ ἀναστάσει·
Ean me kataxiōsę̄ Iēsous Christos en tę̄ proseuchę̄ hymōn kai thelēma ę̄, en tǭ deuterǭ biblidiǭ, ho mellō graphein hymin, prosdēlōsō hymin, ēs ērxamēn oikonomias eis ton kainon anthrōpon Iēsoun Christon, en tę̄ autou pistei kai en tę̄ autou agapę̄, en pathei autou kai anastasei;
If Jesus Christ counts me worthy through your prayer, and if it is his will, in the second little book that I intend to write to you I will explain further the plan I have begun to set out concerning the new man Jesus Christ: his faith and his love, his suffering and resurrection.
20.2Lake, LCL 24:194
μάλιστα ἐὰν ὁ κύριός μοι ἀποκαλύψῃ, ὅτι οἱ κατʼ ἄνδρα κοινῇ πάντες ἐν χάριτι ἐξ ὀνόματος συνέρχεσθε ἐν μιᾷ πίστει καὶ ἐν Ἰησοῦ Χριστῷ, τῷ κατὰ σάρκα ἐκ γένους Δαυείδ, τῷ υἱῷ ἀνθρώπου καὶ υἱῷ θεοῦ, εἰς τὸ ὑπακούειν ὑμᾶς τῷ ἐπισκόπῳ καὶ τῷ πρεσβυτερίῳ ἀπερισπάστῳ διανοίᾳ, ἕνα ἄρτον κλῶντες, ὅς ἐστιν φάρμακον ἀθανασίας, ἀντίδοτος τοῦ μὴ ἀποθανεῖν, ἀλλὰ ζῆν ἐν Ἰησοῦ Χριστῷ διὰ παντός.
malista ean ho kyrios moi apokalypsę̄, hoti hoi katʼ andra koinę̄ pantes en chariti ex onomatos synerchesthe en mią pistei kai en Iēsou Christǭ, tǭ kata sarka ek genous Daueid, tǭ huiǭ anthrōpou kai huiǭ theou, eis to hypakouein hymas tǭ episkopǭ kai tǭ presbyteriǭ aperispastǭ dianoią, hena arton klōntes, hos estin pharmakon athanasias, antidotos tou mē apothanein, alla zēn en Iēsou Christǭ dia pantos.
Especially if the Lord reveals to me that you are all, each one of you by name, coming together in common in grace, in one faith and in Jesus Christ, who according to the flesh is of David's line, the Son of Man and Son of God, so that you obey the bishop and the council of presbyters with undivided mind, breaking one bread, which is the medicine of immortality, the antidote against dying, so that we may live in Jesus Christ forever.
Chapter 21
21.1Lake, LCL 24:194
Ἀντίψυχον ὑμῶν ἐγὼ καὶ ὧν ἐπέμψατε εἰς θεοῦ τιμὴν εἰς Σμύρναν, ὅθεν καὶ γράφω ὑμῖν, εὐχαριστῶν τῷ κυρίῳ, ἀγαπῶν Πολύκαρπον ὡς καὶ ὑμᾶς· μνημονεύετέ μου, ὡς καὶ ὑμῶν Ἰησοῦς Χριστός.
Antipsychon hymōn egō kai hōn epempsate eis theou timēn eis Smyrnan, hothen kai graphō hymin, eucharistōn tǭ kyriǭ, agapōn Polykarpon hōs kai hymas; mnēmoneuete mou, hōs kai hymōn Iēsous Christos.
I am a ransom for you and for those whom you sent to Smyrna for the honor of God, from where I am also writing to you, giving thanks to the Lord and loving Polycarp as I love you. Remember me, as Jesus Christ also remembers you.
21.2Lake, LCL 24:194–196
προσεύχεσθε ὑπὲρ τῆς ἐκκλησίας τῆς ἐν Συρίᾳ, ὅθεν δεδεμένος εἰς Ῥώμην ἀπάγομαι, ἔσχατος ὢν τῶν ἐκεῖ πιστῶν, ὥσπερ ἠξιώθην εἰς τιμὴν θεοῦ εὑρεθῆναι. ἔρρωσθε ἐν θεῷ πατρὶ καὶ ἐν Ἰησοῦ Χριστῷ, τῇ κοινῇ ἐλπίδι ἡμῶν.
proseuchesthe hyper tēs ekklēsias tēs en Syrią, hothen dedemenos eis Rhōmēn apagomai, eschatos ōn tōn ekei pistōn, hōsper ēxiōthēn eis timēn theou heurethēnai. errōsthe en theǭ patri kai en Iēsou Christǭ, tę̄ koinę̄ elpidi hēmōn.
Pray for the church in Syria, from where I am being led in chains to Rome, the least of the faithful there, as I have been counted worthy to be found for the honor of God. Farewell in God the Father and in Jesus Christ, our common hope.