On the Union of the Body with the Godhead in Christ

The whole work on one page. Select a passage number to open that passage with its notes, Scripture references, and citation.

Show

Chapter 1

1Lietzmann, 185

Ἅγιον ἐξ ἀρχῆς γέννημα καλῶς ὁμολογεῖται καὶ κατὰ τὸ ΓΝ Ὁ κύριος, καὶ κατὰ τοῦτο διαλλάττει παντὸς σώματος οὐδὲ γὰρ ὅλως ἐν μήτρᾳ συνελήφθη χωρὶς θεότητος, ἀλλ᾽ ἡνωμένος πρὸς ταύτην, ὡς ὁ ἄγγελός φησιν “πνεῦμα ἅγιον ἐπελεύσεται ἐπὶ σὲ καὶ δύναμις ὑψίστου ἐπισκιάσει σοι᾽ διὸ καὶ τὸ γεννώμενον ἅγιον κληθήσεται υἱὸς θεοῦ”, καὶ ἦν οὐρανία κάθοδος, οὐ μόνον γέννησις ἣ ἐκ γυναικός. εἴρηται γὰρ οὐ μόνον τὸ “γενόμενον ἐκ γυναικός, γενόμενον ὑπὸ νόμον”, ἀλλὰ καὶ “οὐδεὶς ἀναβέβηκεν εἰς τὸν οὐρανόν, εἰ μὴ ὃ ἐκ τοῦ οὐρανοῦ καταβάς, ὁ υἱὸς τοῦ ἀνθρώπου”.

Hagion ex archēs gennēma kalōs homologeitai kai kata to GN Ho kyrios, kai kata touto diallattei pantos sōmatos oude gar holōs en mētrą synelēphthē chōris theotētos, all᾽ hēnōmenos pros tautēn, hōs ho angelos phēsin “pneuma hagion epeleusetai epi se kai dynamis hypsistou episkiasei soi᾽ dio kai to gennōmenon hagion klēthēsetai huios theou”, kai ēn ourania kathodos, ou monon gennēsis hē ek gynaikos. eirētai gar ou monon to “genomenon ek gynaikos, genomenon hypo nomon”, alla kai “oudeis anabebēken eis ton ouranon, ei mē ho ek tou ouranou katabas, ho huios tou anthrōpou”.

It is rightly confessed that the Lord was a holy offspring from the beginning, even according to the [body], and in this he differs from every body; for he was not conceived in the womb without the Godhead at all, but united to it, as the angel says, “The Holy Spirit will come upon you and the power of the Most High will overshadow you; therefore the holy one who is born will be called Son of God”; and there was a descent from heaven, not only a birth from a woman. For it is said not only “born of a woman, born under the law,” but also “No one has ascended into heaven except he who descended from heaven, the Son of Man.”

Chapter 2

2Lietzmann, 186

καὶ οὐκ ἔστιν ἰδίως κτίσμα τὸ σῶμα εἰπεῖν, ἀχώριστον ὃν ἐκείνου πάντως οὗ σῶμά ἐστιν, ἀλλὰ τῆς τοῦ ἀκτίστου κεκοινώνηκεν ἐπωνυμίας καὶ τῆς τοῦ θεοῦ κλήσεως, ὅτι πρὸς ἑνότητα θεῷ συνῆπται, καθὰ λέγεται ὅτι “ὁ λόγος σὰρξ ἐγένετο” καὶ παρὰ τῷ ἀποστόλῳ “ὁ ἔσχατος ᾿Αδὰμ εἰς πνεῦμα ζωοποιοῦν”.

kai ouk estin idiōs ktisma to sōma eipein, achōriston hon ekeinou pantōs hou sōma estin, alla tēs tou aktistou kekoinōnēken epōnymias kai tēs tou theou klēseōs, hoti pros henotēta theǭ synēptai, katha legetai hoti “ho logos sarx egeneto” kai para tǭ apostolǭ “ho eschatos ᾿Adam eis pneuma zōopoioun”.

And one cannot call the body a creature in its own right, since it is wholly inseparable from him whose body it is; rather it has come to share in the name of the uncreated and in the title of God, because it was joined to God into unity, as it is said that “the Word became flesh,” and in the apostle, “the last Adam [became] a life-giving spirit.”

Chapter 3

3Lietzmann, 186

δεῖ δὲ ἡμᾶς, ὥσπερ τὰ ἔνδοξα τῷ σώματι προσάπτομεν ἐκ τῆς θείας συλλήψεως καὶ τῆς πρὸς θεὸν ἑνότητος, οὕτω καὶ τὰ ἄδοξα τὰ ἀπὸ τοῦ σώματος μὴ ἀρνεῖσθαι, ἅπερ ἐστὶ τὸ “γενέσθαι ἐκ γυναικὸς” κατὰ τὸν ἀπόστολον καὶ τὸ “πλασθῆναι ἐκ κοιλίας δοῦλον θεῷ” κατὰ τὸν προφήτην, τὸ ὅλως ἄνθρωπον ὀνομάζεσθαι καὶ υἱὸν ἀνθρώπου, τὸ ἀριθμεῖσθαι μετὰ ᾿Αβραὰμ πολλὰς γενεὰς μεθ᾽ ἃς γέγονεν ἄνθρωπος.

dei de hēmas, hōsper ta endoxa tǭ sōmati prosaptomen ek tēs theias syllēpseōs kai tēs pros theon henotētos, houtō kai ta adoxa ta apo tou sōmatos mē arneisthai, haper esti to “genesthai ek gynaikos” kata ton apostolon kai to “plasthēnai ek koilias doulon theǭ” kata ton prophētēn, to holōs anthrōpon onomazesthai kai huion anthrōpou, to arithmeisthai meta ᾿Abraam pollas geneas meth᾽ has gegonen anthrōpos.

But just as we attach the glorious things to the body by reason of the divine conception and the unity with God, so also we must not deny the inglorious things that come from the body: being “born of a woman,” according to the apostle, and being “formed from the womb a servant to God,” according to the prophet; being called simply man and Son of Man; being counted many generations after Abraham, after which he became man.

Chapter 4

4Lietzmann, 186

ἀνθρωπίνως μέντοι καὶ λέγειν καὶ ἀκούειν χρή, ὥσπερ, ὅτε ὅλον ἄνθρωπος καλεῖται, μή τις ἀρνήσηται τὴν θείαν οὐσίαν, τὴν τῷ ὀνόματι μετὰ τοῦ σώματος δηλουμένην, καὶ ὅτε δοῦλος κατὰ τὸ σῶμα ὀνομάζεται, μή τις ἀρνήσηται τὴν κυριευτικὴν φύσιν, δουλείας ὀνόματι μετὰ τοῦ σώματος δηλουμένην, καὶ πάλιν, ὅτε καταβεβηκὼς ἐξ οὐρανοῦ κηρύσσεται ἄνθρωπος ἐπουράνιος, μή τις ἀρνήσηται τὴν τοῦ σώματος ἀπὸ γῆς πρὸς θεότητα συμπλοκήν. οὐ διατέμνεται μὲν γὰρ οὐδὲ πράγματι οὐδὲ ὀνόματι, ὅτε δοῦλος ὁ κύριος καλεῖται καὶ ὅτε πλαστὸς ὃ ἄκτιστος ὀνομάζεται τῇ συναφείᾳ τῇ πρὸς τὴν τοῦ δούλου μορφὴν καὶ πρὸς τὸ πλασσόμενον σῶμα.

anthrōpinōs mentoi kai legein kai akouein chrē, hōsper, hote holon anthrōpos kaleitai, mē tis arnēsētai tēn theian ousian, tēn tǭ onomati meta tou sōmatos dēloumenēn, kai hote doulos kata to sōma onomazetai, mē tis arnēsētai tēn kyrieutikēn physin, douleias onomati meta tou sōmatos dēloumenēn, kai palin, hote katabebēkōs ex ouranou kēryssetai anthrōpos epouranios, mē tis arnēsētai tēn tou sōmatos apo gēs pros theotēta symplokēn. ou diatemnetai men gar oude pragmati oude onomati, hote doulos ho kyrios kaleitai kai hote plastos ho aktistos onomazetai tę̄ synapheią tę̄ pros tēn tou doulou morphēn kai pros to plassomenon sōma.

Yet one must speak and listen in a human way: so that, when the whole is called man, no one denies the divine substance, which is shown together with the body by the name; and when he is called servant according to the body, no one denies the lordly nature, which is shown together with the body by the name of servitude; and again, when a heavenly man is proclaimed as having come down from heaven, no one denies the union of the body from the earth with the Godhead. For he is not cut apart, either in fact or in name, when the Lord is called servant and when the uncreated is named as formed, by his conjunction with the form of the servant and with the body that is formed.

Chapter 5

5Lietzmann, 187

ὁμολογεῖται δὲ ἐν αὐτῷ τὸ μὲν εἶναι κτιστὸν ἐν ἑνότητι τοῦ ἀκτίστου, τὸ δὲ ἄκτιστον ἐν συγκράσει τοῦ κτιστοῦ, φύσεως μιᾶς ἐξ ἑκατέρου μέρους συνισταμένης, μερικὴν ἐνέργειαν καὶ τοῦ λόγου συντελέσαντος εἰς τὸ ὅλον μετὰ τῆς θεϊκῆς τελειότητος, ὅπερ ⟨καὶ⟩ ἐπὶ τοῦ κοινοῦ ἀνθρώπου ἐκ δύο μερῶν ἀτελῶν γίνεται, φύσιν μίαν πληρούντων καὶ ἑνὶ ὀνόματι δηλουμένων, ἐπεὶ καὶ σὰρξ τὸ ὅλον καλεῖται, μὴ περιαιρουμένης ἐν τούτῳ τῆς ψυχῆς, καὶ ψυχὴ τὸ ὅλον προσαγορεύεται, οὗ περιαιρουμένου τοῦ σώματος, εἰ καὶ ἕτερόν τι ἐστὶ παρὰ τὴν ψυχήν.

homologeitai de en autǭ to men einai ktiston en henotēti tou aktistou, to de aktiston en synkrasei tou ktistou, physeōs mias ex hekaterou merous synistamenēs, merikēn energeian kai tou logou syntelesantos eis to holon meta tēs theïkēs teleiotētos, hoper ⟨kai⟩ epi tou koinou anthrōpou ek dyo merōn atelōn ginetai, physin mian plērountōn kai heni onomati dēloumenōn, epei kai sarx to holon kaleitai, mē periairoumenēs en toutǭ tēs psychēs, kai psychē to holon prosagoreuetai, hou periairoumenou tou sōmatos, ei kai heteron ti esti para tēn psychēn.

In him it is confessed that the created is in unity with the uncreated, and the uncreated in blending with the created, one nature being constituted from each part, the Word also contributing a partial activity to the whole together with the divine perfection. This ⟨also⟩ happens in the case of the ordinary human being, from two incomplete parts which make up one nature and are signified by one name: for the whole is called flesh without the soul being taken away thereby, and the whole is called soul without the body being taken away, even though it is something other than the soul.

Chapter 6

6Lietzmann, 187

ὃ θεὸς οὖν ὁ ἐνανθρωπήσας, ὁ κύριος καὶ προὔχων τῆς γεννήσεως, εἰ καὶ γεγέννηται ἀπὸ γυναικός, κύριος ὦν, εἰ καὶ μεμόρφωται κατὰ τοὺς δούλους, πνεῦμα ὦν, εἰ καὶ σὰρξ κατὰ τὴν ἕνωσιν τῆς σαρκὸς ἀποδέδεικται, οὐκ ἄνθρωπος ὧν κατὰ τὸν ἀπόστολον, εἰ καὶ ἄνθρωπος ὑπὸ τοῦ αὐτοῦ κηρύσσεται, καὶ (τὸ ὅλον εἰπεῖν) ἀόρατος θεὸς ὁρατῷ σώματι μεταμορφούμενος, ἄκτιστος θεὸς κτιστῇ περιβολῇ φανερούμενος, κενώσας μὲν ἑαυτὸν κατὰ τὴν μόρφωσιν (δούλου), ἀκένωτος δὲ καὶ ἀναλλοίωτος καὶ ἀνελάττωτος κατὰ τὴν θείαν οὐσίαν (οὐδεμία γὰρ ἀλλοίωσις περὶ τὴν θείαν φύσιν) οὐδὲ ἐλαττοῦται οὐδὲ αὐξάνεται.

ho theos oun ho enanthrōpēsas, ho kyrios kai prouchōn tēs gennēseōs, ei kai gegennētai apo gynaikos, kyrios ōn, ei kai memorphōtai kata tous doulous, pneuma ōn, ei kai sarx kata tēn henōsin tēs sarkos apodedeiktai, ouk anthrōpos hōn kata ton apostolon, ei kai anthrōpos hypo tou autou kēryssetai, kai (to holon eipein) aoratos theos horatǭ sōmati metamorphoumenos, aktistos theos ktistę̄ peribolę̄ phaneroumenos, kenōsas men heauton kata tēn morphōsin (doulou), akenōtos de kai analloiōtos kai anelattōtos kata tēn theian ousian (oudemia gar alloiōsis peri tēn theian physin) oude elattoutai oude auxanetai.

God, then, who became man, is Lord and prior to his birth, even if he was born from a woman; he is Lord, even if he took form like the servants; he is Spirit, even if he has been shown to be flesh by the union with the flesh; he is not a man, according to the apostle, even if he is proclaimed a man by the same apostle; and, to say it all, he is invisible God transformed by a visible body, uncreated God made manifest in a created covering, who emptied himself in taking the form (of a servant), but who is not emptied, unaltered, and undiminished in the divine substance (for there is no alteration in the divine nature), neither diminished nor increased.

Chapter 7

7Lietzmann, 188

καὶ ὅτε λέγει ὅτι “δόξασόν με”, ἀπὸ σώματος ἣ φωνὴ καὶ περὶ σῶμα ὁ δοξασμός, ἐπὶ τοῦ ὅλου λεγόμενος, διότι τὸ ὅλον ἐστὶν ἕν. καὶ πάλιν ἐπάγων “τῇ δόξῃ ἧ εἶχον πρὸ τοῦ τὸν κόσμον εἶναι παρὰ σοί”, τὴν ἔνδοξον ἀεὶ θεότητα δηλοῖ, εἰ καὶ ἰδίως θεότητι προσήκει τοῦτο, καίτοι κοινῶς ἐπὶ τοῦ ὅλου ῥηθέν.

kai hote legei hoti “doxason me”, apo sōmatos hē phōnē kai peri sōma ho doxasmos, epi tou holou legomenos, dioti to holon estin hen. kai palin epagōn “tę̄ doxę̄ hē eichon pro tou ton kosmon einai para soi”, tēn endoxon aei theotēta dēloi, ei kai idiōs theotēti prosēkei touto, kaitoi koinōs epi tou holou rhēthen.

And when he says, “Glorify me,” the voice comes from the body and the glorification concerns the body, though it is said of the whole, because the whole is one. And again, when he adds, “with the glory that I had with you before the world was,” he shows the Godhead that is always glorious, even though this belongs properly to the Godhead, while it is said in common of the whole.

Chapter 8

8Lietzmann, 188

οὕτως καὶ θεῷ ὁμοούσιος κατὰ τὸ πνεῦμα τὸ ἀόρατον, συμπεριλαμβανομένης τῷ ὀνόματι καὶ τῆς σαρκός, ὅτι πρὸς τὸν θεῷ ὁμοούσιον ἥνωται, καὶ πάλιν ἀνθρώποις ὁμοούσιος, συμπεριλαμβανομένης καὶ τῆς θεότητος τῷ σώματι, ὅτι πρὸς τὸ ἡμῖν ὁμοούσιον ἡνώθη, οὐκ ἀλλαττομένης τῆς τοῦ σώματος φύσεως ἐν τῇ πρὸς τὸν θεῷ ὁμοούσιον ἑνώσει καὶ τῇ κοινωνίᾳ τοῦ ὁμοουσίου ὀνόματος, ὥσπερ οὐδὲ ἣ τῆς θεότητος ἤλλακται φύσις ἐν τῇ κοινωνίᾳ τοῦ ἀνθρωπείου σώματος καὶ τῇ ὀνομασίᾳ τῆς ἡμῖν ὁμοουσίου σαρκός.

houtōs kai theǭ homoousios kata to pneuma to aoraton, symperilambanomenēs tǭ onomati kai tēs sarkos, hoti pros ton theǭ homoousion hēnōtai, kai palin anthrōpois homoousios, symperilambanomenēs kai tēs theotētos tǭ sōmati, hoti pros to hēmin homoousion hēnōthē, ouk allattomenēs tēs tou sōmatos physeōs en tę̄ pros ton theǭ homoousion henōsei kai tę̄ koinōnią tou homoousiou onomatos, hōsper oude hē tēs theotētos ēllaktai physis en tę̄ koinōnią tou anthrōpeiou sōmatos kai tę̄ onomasią tēs hēmin homoousiou sarkos.

So too he is of one substance with God according to the invisible Spirit, the flesh also being included in the name, because it has been united to the one who is of one substance with God; and again he is of one substance with human beings, the Godhead also being included with the body, because it was united to what is of one substance with us. The nature of the body is not changed in the union with the one who is of one substance with God and in sharing the name “of one substance,” just as the nature of the Godhead has not been changed in sharing the human body and in being named flesh of one substance with us.

Chapter 9

9Lietzmann, 188

Καὶ γὰρ ὁ Παῦλος λέγων “τοῦ γενομένου ἐκ σπέρματος Δαβὶδ κατὰ σάρκα”, τὸν υἱὸν εἶπεν τοῦ θεοῦ τὴν γέννησιν ταύτην ἀναδεδέχθαι καὶ οὐχὶ τὴν σάρκα χωρὶς ὀνομάσας εἴρηκεν Ἡ σὰρξ ἐγένετο ἐκ σπέρματος Δαβίδ. καὶ ὅτε λέγει “τοῦτο φρονείσθω ἐν ὑμῖν ὃ καὶ ἐν Χριστῷ Ἰησοῦ, ὃς ἐν μορφῇ θεοῦ ὑπάρχων οὐχ ἁρπαγμὸν ἡγήσατο τὸ εἶναι ἴσα θεῷ”, οὐ χωρίσας εἶπεν Οὗ ἣ θεότης ἐν μορφῇ θεοῦ + λέγει οὐχ ἁρπαγμὸν ἡγήσατο τὸ εἶναι ἴσα θεῷ, καίτοι ἣ θεότης οὔτε Ἰησοῦς ὠνόμασται πρὸ τῆς ἐκ παρθένου γεννήσεως οὔτε τὴν ἐν ἁγίῳ πνεύματι χρίσιν ἔσχηκεν, ὅτι δοτὴρ τοῦ πνεύματος ὁ τοῦ θεοῦ λόγος, οὐχ ἁγιαζόμενος ἐν πνεύματι

Kai gar ho Paulos legōn “tou genomenou ek spermatos Dabid kata sarka”, ton huion eipen tou theou tēn gennēsin tautēn anadedechthai kai ouchi tēn sarka chōris onomasas eirēken Hē sarx egeneto ek spermatos Dabid. kai hote legei “touto phroneisthō en hymin ho kai en Christǭ Iēsou, hos en morphę̄ theou hyparchōn ouch harpagmon hēgēsato to einai isa theǭ”, ou chōrisas eipen Hou hē theotēs en morphę̄ theou + legei ouch harpagmon hēgēsato to einai isa theǭ, kaitoi hē theotēs oute Iēsous ōnomastai pro tēs ek parthenou gennēseōs oute tēn en hagiǭ pneumati chrisin eschēken, hoti dotēr tou pneumatos ho tou theou logos, ouch hagiazomenos en pneumati

For Paul too, when he says, “who was born of the seed of David according to the flesh,” said that the Son of God had taken on this birth, and did not name the flesh separately and say, “The flesh was born of the seed of David.” And when he says, “Let this mind be in you which was also in Christ Jesus, who, being in the form of God, did not count equality with God a thing to be grasped,” he did not separate and say, “whose Godhead, in the form of God, …”; he says, “did not count equality with God a thing to be grasped,” although the Godhead was neither named Jesus before the birth from the Virgin nor had the anointing in the Holy Spirit, since the Word of God is the giver of the Spirit, not one sanctified in the Spirit.

Chapter 10

10Lietzmann, 189

καὶ λέγει “ὑπὲρ αὐτῶν ἐγὼ ἁγιάζω ἐμαυτὸν, ἵνα ὦσιν αὐτοὶ ἡγιασμένοι ἐν ἀληθείᾳ”, οὐ χωρίζων καὶ λέγων ᾿Αγιάζω τὴν σάρκα, ἀλλὰ συνάπτων καὶ λέγων ᾿Αγιάζω ἐμαυτόν, καίτοι τῷ σκοποῦντι μετὰ ἀκριβείας οὐ δυνατὸν αὐτὸν ὑφ᾽ ἑαυτοῦ ἁγιάζεσθαι. εἰ γὰρ ὅλος ἁγιάζει, τί τὸ ἁγιαζόμενον; εἰ ὁ σύμπας ἁγιάζεται, τί τὸ ἁγιάζον; ἀλλ᾽ ὅμως φυλάττων τὸ ἕν πρόσωπον καὶ τὴν ἀμέριστον ἑνὸς ζώου δήλωσιν τό τε ἁγιάζειν καὶ τὸ ἁγιάζεσθαι καθ᾽ ὅλου τέθεικεν, ἵν’ ἀκριβὲς ἡμῖν ἧ καὶ σαφές, ὅτι. οὐ κατὰ τὸν προφητικὸν οὐδὲ κατὰ τὸν ἀποστολικὸν τρόπον ἄλλος ἄλλον ἁγιάζει, καθάπερ τὸ πνεῦμα τοὺς προφήτας καὶ τοὺς ἀποστόλους, ὥσπερ ὁ Παῦλός φησι περὶ τῆς πάσης ἐκκλησίας “κλητοῖς ἁγίοις καὶ ἡγιασμένοις ἐν Χριστῷ Ἰησοῦ” καὶ αὐτὸς ὁ σωτὴρ περὶ τῶν ἀποστόλων “ἁγίασον αὐτοὺς ἐν ἀληθείᾳ”.

kai legei “hyper autōn egō hagiazō emauton, hina ōsin autoi hēgiasmenoi en alētheią”, ou chōrizōn kai legōn ᾿Agiazō tēn sarka, alla synaptōn kai legōn ᾿Agiazō emauton, kaitoi tǭ skopounti meta akribeias ou dynaton auton hyph᾽ heautou hagiazesthai. ei gar holos hagiazei, ti to hagiazomenon? ei ho sympas hagiazetai, ti to hagiazon? all᾽ homōs phylattōn to hen prosōpon kai tēn ameriston henos zōou dēlōsin to te hagiazein kai to hagiazesthai kath᾽ holou tetheiken, hin’ akribes hēmin hē kai saphes, hoti. ou kata ton prophētikon oude kata ton apostolikon tropon allos allon hagiazei, kathaper to pneuma tous prophētas kai tous apostolous, hōsper ho Paulos phēsi peri tēs pasēs ekklēsias “klētois hagiois kai hēgiasmenois en Christǭ Iēsou” kai autos ho sōtēr peri tōn apostolōn “hagiason autous en alētheią”.

And he says, “For their sake I sanctify myself, that they also may be sanctified in truth,” not separating and saying, “I sanctify the flesh,” but joining and saying, “I sanctify myself,” although, for one who examines it precisely, it is not possible for him to be sanctified by himself. For if the whole sanctifies, what is sanctified? If the whole is sanctified, what sanctifies? Yet, preserving the one person and the undivided presentation of one living being, he has applied both sanctifying and being sanctified to the whole, so that it may be precise and clear to us that it is not in the prophetic or apostolic way that one sanctifies another, as the Spirit sanctifies the prophets and the apostles; as Paul says of the whole church, “called saints and sanctified in Christ Jesus,” and the Saviour himself says of the apostles, “Sanctify them in the truth.”

Chapter 11

11Lietzmann, 190

ὅλη γὰρ ἣ ἀνθρωπίνη φύσις ἐν τῷ ἁγιάζεσθαι καὶ οὐκ ἐν τῷ ἁγιάζειν. καὶ τὸ ἀγγελικὸν τάγμα ὡσαύτως καὶ πᾶσα ἣ κτίσις ἁγιαζομένη ἐστὶ καὶ φωτιζομένη, ἁγιάζον δὲ τὸ πνεῦμα καὶ φωτίζον. ἁγιάζων [δὲ] ὁ λόγος διὰ τοῦ πνεύματος καὶ φωτίζων, ἁγιαζόμενος δὲ οὐδαμῶς, κτίστης γὰρ καὶ οὐ κτίσμα. ἀλλὰ ἐνταῦθα τὸ ἁγιάζεσθαι, ἔνθα καὶ τὸ σεσωματῶσθαι, καὶ διήρηται μὲν τὰ πράγματα, ἥνωται δὲ κατὰ τὴν τῆς σαρκὸς πρὸς θεότητα ἕνωσιν, ὥστε μὴ διαστέλλεσθαι ἕτερον τὸν ἁγιάζοντα καὶ ἕτερον τὸν ἁγιαζόμενον, καὶ αὕτη δὲ ὅλως ἢ σάρκωσις ἐστιν ἁγιασμός.

holē gar hē anthrōpinē physis en tǭ hagiazesthai kai ouk en tǭ hagiazein. kai to angelikon tagma hōsautōs kai pasa hē ktisis hagiazomenē esti kai phōtizomenē, hagiazon de to pneuma kai phōtizon. hagiazōn [de] ho logos dia tou pneumatos kai phōtizōn, hagiazomenos de oudamōs, ktistēs gar kai ou ktisma. alla entautha to hagiazesthai, entha kai to sesōmatōsthai, kai diērētai men ta pragmata, hēnōtai de kata tēn tēs sarkos pros theotēta henōsin, hōste mē diastellesthai heteron ton hagiazonta kai heteron ton hagiazomenon, kai hautē de holōs ē sarkōsis estin hagiasmos.

For the whole of human nature is in being sanctified and not in sanctifying. Likewise the order of angels and all creation are sanctified and enlightened, while the Spirit sanctifies and enlightens. The Word sanctifies and enlightens through the Spirit, but is in no way sanctified, for he is Creator and not creature. But here being sanctified is where being embodied is; the realities are distinct, but they are united by the union of the flesh with the Godhead, so that the one who sanctifies is not distinguished as one and the one sanctified as another; and this incarnation itself, as a whole, is sanctification.

Chapter 12

12Lietzmann, 190

Ὁ γὰρ σωτὴρ πρὸς τοὺς λέγοντας “σὺ ἄνθρωπος ὧν ποιεῖς σεαυτὸν θεὸν” ἀποδέδωκεν τῆς ἰδίας ἀνθρωπότητος τὸν λόγον λέγων “ὃν ὁ πατὴρ ἡγίασεν καὶ ἀπέστειλεν εἰς τὸν κόσμον ὑμεῖς λέγετε ὅτι βλασφημεῖς ὅτι εἶπον Υἱὸς τοῦ θεοῦ εἰμι; ” τίνα λέγων ἐνταῦθα ἁγιασμὸν ἢ τὸν τῆς σαρκὸς ὑπὸ τῆς θεότητος: οὕτω γὰρ ἔζησεν τὸ σῶμα θεότητος ἁγιασμῷ καὶ οὐκ ἀνθρωπίνης ψυχῆς κατασκευῇ καὶ ὅλως τὸ ὅλον ἐν συναφείᾳ. καὶ ἐνταῦθα “ὃν ὃ πατήρ, φησιν, ἡγίασεν καὶ ἀπέστειλεν” τὸ ἁγιάζον ἅμα καὶ τὸ ἁγιαζόμενον ἁγιάζεσθαι λέγει, τῷ ἁγιαζομένῳ συνάψας τὸ ἁγιάζον.

Ho gar sōtēr pros tous legontas “sy anthrōpos hōn poieis seauton theon” apodedōken tēs idias anthrōpotētos ton logon legōn “hon ho patēr hēgiasen kai apesteilen eis ton kosmon hymeis legete hoti blasphēmeis hoti eipon Huios tou theou eimi? ” tina legōn entautha hagiasmon ē ton tēs sarkos hypo tēs theotētos: houtō gar ezēsen to sōma theotētos hagiasmǭ kai ouk anthrōpinēs psychēs kataskeuę̄ kai holōs to holon en synapheią. kai entautha “hon ho patēr, phēsin, hēgiasen kai apesteilen” to hagiazon hama kai to hagiazomenon hagiazesthai legei, tǭ hagiazomenǭ synapsas to hagiazon.

For the Saviour, to those who said, “You, being a man, make yourself God,” gave an account of his own humanity, saying, “Do you say of him whom the Father sanctified and sent into the world, ‘You are blaspheming,’ because I said, ‘I am the Son of God’?” What sanctification does he mean here, if not that of the flesh by the Godhead? For thus the body lived by the sanctification of the Godhead and not by the equipment of a human soul, and the whole was altogether in conjunction. And here, saying “whom the Father sanctified and sent,” he says that the one who sanctifies and the one sanctified are sanctified together, joining the one who sanctifies to the one sanctified.

Chapter 13

13Lietzmann, 191

καὶ ἑρμηνεύει γε ἀλλαχοῦ τὸν ἁγιασμὸν τοῦτον ὅτι γέννησις ἦν ἣ ἐκ παρθένου. “ἐγὼ γὰρ εἰς τοῦτο γεγέννημαι καὶ εἰς τοῦτο ἐλήλυθα εἰς τὸν κόσμον, ἵνα μαρτυρήσω τῇ ἀληθείᾳ”. ἐκ θελήματος μὲν γὰρ σαρκὸς καὶ ἐκ θελήματος ἀνδρὸς ὁ κοινὸς ἄνθρωπος ψυχοῦται καὶ ζῇ, τῆς ἐκπεμπομένης σπερματικῆς ὕλης ἐπιφερούσης τὴν ζωοποιὸν δύναμιν εἰς τὴν ὑποδεχομένην μήτραν: ἐκ δὲ πνεύματος ἐφόδου καὶ δυνάμεως ἐπισκιασμοῦ τὸ ἅγιον ἐκ τῆς παρθένου συνίσταται βρέφος, οὐ σπερματικῆς ὕλης ἐργαζομένης τὴν θείαν ζωήν, ἀλλὰ πνευματικῆς καὶ θεϊκῆς δυνάμεως ἐνδιδούσης τῇ παρθένῳ τὴν θείαν κύησιν καὶ χαριζομένης τὸν θεῖον τοκετόν.

kai hermēneuei ge allachou ton hagiasmon touton hoti gennēsis ēn hē ek parthenou. “egō gar eis touto gegennēmai kai eis touto elēlytha eis ton kosmon, hina martyrēsō tę̄ alētheią”. ek thelēmatos men gar sarkos kai ek thelēmatos andros ho koinos anthrōpos psychoutai kai zę̄, tēs ekpempomenēs spermatikēs hylēs epipherousēs tēn zōopoion dynamin eis tēn hypodechomenēn mētran: ek de pneumatos ephodou kai dynameōs episkiasmou to hagion ek tēs parthenou synistatai brephos, ou spermatikēs hylēs ergazomenēs tēn theian zōēn, alla pneumatikēs kai theïkēs dynameōs endidousēs tę̄ parthenǭ tēn theian kyēsin kai charizomenēs ton theion toketon.

And elsewhere he explains that this sanctification was the birth from the Virgin: “For this I have been born, and for this I have come into the world, to bear witness to the truth.” For the ordinary human being is ensouled and lives from the will of the flesh and the will of a man, the seminal matter that is emitted carrying the life-giving power into the womb that receives it; but the holy infant from the Virgin is constituted by the coming of the Spirit and the overshadowing of the power, not with seminal matter producing the divine life, but with spiritual and divine power granting the Virgin the divine conception and bestowing the divine childbirth.

Chapter 14

14Lietzmann, 191

Οὕτω δὴ κατὰ τὸν τῆς ἑνότητος τρόπον καὶ τὸ ὑψοῦσθαι Χριστὸν καὶ τὸ χαρισθῆναι αὐτῷ τὸ ὄνομα τὸ ὑπὲρ πᾶν ὄνομα, καίτοι τῆς ὑψώσεως ἰδίως οὔσης ἐπὶ τῆς κάτωθεν ἀναβαινούσης σαρκός᾽ ἀλλ᾽ ὅτι οὐκ ἰδιαζόντως ἀναβαίνει, διὰ τοῦτο κοινῶς ὀνομάζεται τὸ ὅλον ὑψούμενον, καὶ τὸ κεχαρίσθαι δὲ αὐτῷ περὶ τὴν ἐξ ἀδοξίας δοξαζομένην σάρκα συνίσταται. οὐ γὰρ τῷ ἀεὶ τὴν δόξαν ἔχοντι λόγῳ προστίθεται δόξα διὰ χάριτος. ὅπερ γὰρ ὑπῆρχεν καὶ μεμένηκεν, ἐν μορφῇ θεοῦ ὑπῆρχεν καὶ ἦν ἴσος θεῷ.

Houtō dē kata ton tēs henotētos tropon kai to hypsousthai Christon kai to charisthēnai autǭ to onoma to hyper pan onoma, kaitoi tēs hypsōseōs idiōs ousēs epi tēs katōthen anabainousēs sarkos᾽ all᾽ hoti ouk idiazontōs anabainei, dia touto koinōs onomazetai to holon hypsoumenon, kai to kecharisthai de autǭ peri tēn ex adoxias doxazomenēn sarka synistatai. ou gar tǭ aei tēn doxan echonti logǭ prostithetai doxa dia charitos. hoper gar hypērchen kai memenēken, en morphę̄ theou hypērchen kai ēn isos theǭ.

Thus, then, in keeping with the mode of the unity, Christ is said both to be exalted and to be granted the name that is above every name, although the exaltation belongs properly to the flesh, which ascends from below; but because it does not ascend on its own, the whole is therefore named in common as exalted, and the granting, too, concerns the flesh that is glorified out of its lowliness. For glory is not added through grace to the Word, who always has the glory. For what he was, he also remained: he was in the form of God and was equal to God.

Chapter 15

15Lietzmann, 191

ἴσον εἶναι θεῷ καὶ ἐν τῇ σαρκὶ λέγει, κατὰ τὸν Ἰωάννην πατέρα ἴδιον αὐτοῦ λέγων εἶναι τὸν θεὸν καὶ ἴσον ἑαυτὸν ποιῶν τῷ θεῷ. οὐκ ἄρα μετέπεσεν ἣ πρὸς θεὸν ἰσότης, ἀλλ᾽ ἀναλλοίωτος ἣ θεότης ἔμεινεν ἐν ταὐτότητι. ἃ δὲ ἔχει, λαμβάνειν οὐ δυνατόν, ὥσπερ τῆς σαρκὸς ὅπερ οὐκ ἔχει λαμβανούσης (τὸ ἀπαθὲς ἐκ τῶν παθημάτων, τὸ οὐράνιον ἐκ τῆς κατὰ γῆν διατριβῆς, τὸ βασιλικὸν ἐκ τῆς ὑπ’ ἀνθρώποις δουλείας, τὸ προσκυνεῖσθαι ὑπὸ πάσης τῆς κτίσεως ἐκ τοῦ προσκυνεῖν) ἐπὶ τοῦ ὅλου λέγεται τὸ κεχαρίσθαι αὐτῷ τὸ ὄνομα τὸ ὑπὲρ πᾶν ὄνομα.

ison einai theǭ kai en tę̄ sarki legei, kata ton Iōannēn patera idion autou legōn einai ton theon kai ison heauton poiōn tǭ theǭ. ouk ara metepesen hē pros theon isotēs, all᾽ analloiōtos hē theotēs emeinen en tautotēti. ha de echei, lambanein ou dynaton, hōsper tēs sarkos hoper ouk echei lambanousēs (to apathes ek tōn pathēmatōn, to ouranion ek tēs kata gēn diatribēs, to basilikon ek tēs hyp’ anthrōpois douleias, to proskyneisthai hypo pasēs tēs ktiseōs ek tou proskynein) epi tou holou legetai to kecharisthai autǭ to onoma to hyper pan onoma.

He says that he is equal to God even in the flesh, according to John, saying that God is his own Father and making himself equal to God. So the equality with God did not lapse, but the Godhead remained unaltered in its identity. What one has, one cannot receive; but since the flesh receives what it does not have (freedom from suffering out of sufferings, the heavenly out of its sojourn on earth, kingship out of servitude under human beings, being worshiped by all creation out of worshiping), it is said of the whole that the name above every name was granted to him.

Chapter 16

16Lietzmann, 192

καὶ εἴ τις χωρίζειν τολμᾷ τὸ τῆς χάριτος ῥῆμα καὶ τὸ ὄνομα τὸ ὑπὲρ πᾶν ὄνομα, οὐδέτερον οἰκείως λεχθήσεται. εἰ γὰρ τῷ λόγῳ κεχάρισται ὡς οὐκ ἔχοντι, οὐδέποτε διὰ χάριτος δίδοται τὸ ὄνομα τὸ ὑπὲρ πᾶν ὄνομα. καὶ εἰ οὐκ ἀπὸ δόσεως ἀλλ᾽ ἀπὸ φύσεως ἔχει τοῦτο (ὥσπερ ἔχει κατὰ θεότητα), οὐ δυνατόν ἐστι τοῦτο δοθῆναι αὐτῷ.

kai ei tis chōrizein tolmą to tēs charitos rhēma kai to onoma to hyper pan onoma, oudeteron oikeiōs lechthēsetai. ei gar tǭ logǭ kecharistai hōs ouk echonti, oudepote dia charitos didotai to onoma to hyper pan onoma. kai ei ouk apo doseōs all᾽ apo physeōs echei touto (hōsper echei kata theotēta), ou dynaton esti touto dothēnai autǭ.

And if anyone dares to separate the word of grace from “the name that is above every name,” neither will be said properly. For if it was granted to the Word as one who did not have it, [this cannot be, for] the name above every name is never given [to him] through grace. And if he has it not by gift but by nature (as he has it according to the Godhead), it cannot be given to him.

Chapter 17

17Lietzmann, 192

ὅθεν ἐξ ἀνάγκης καὶ τὸ σωματικὸν καθ᾽ ὅλου καὶ τὸ θεϊκὸν καθ᾽ ὅλου λέγεται καὶ ὁ μὴ δυνάμενος ἐν τοῖς ἡνωμένοις διαφόροις εἰδέναι, τί τὸ ἴδιον ἑκατέρου, ἐναντιώμασιν ἀσυμφώνως περιπεσεῖται, ὁ δὲ καὶ τὰ ἴδια γινώσκων καὶ τὴν ἕνωσιν φυλάσσων οὔτε τὴν φύσιν ψεύσεται οὔτε τὴν ἕνωσιν ἀγνοήσει.

hothen ex anankēs kai to sōmatikon kath᾽ holou kai to theïkon kath᾽ holou legetai kai ho mē dynamenos en tois hēnōmenois diaphorois eidenai, ti to idion hekaterou, enantiōmasin asymphōnōs peripeseitai, ho de kai ta idia ginōskōn kai tēn henōsin phylassōn oute tēn physin pseusetai oute tēn henōsin agnoēsei.

Hence of necessity both what is bodily is said of the whole and what is divine is said of the whole; and anyone who cannot recognize, among the different things that are united, what is proper to each will fall into discordant contradictions; but whoever both recognizes what is proper to each and preserves the union will neither falsify the nature nor be ignorant of the union.